- 返香港之後第一套睇既電影，支持一下本地創作
- 淨係戲名都知道係香港電影，外地朋友們：L = 髒話 (如果唔係咁解請留言告知)
- 電影主要內容講主角羅穎詩 (鍾雪瑩飾) 成為填詞人既經歷
- 成個過程高低起伏齊哂
- 當中不少情節正正係導演黄綺琳既真實填詞經歷
- 睇完我先知導演之前既其中一套電影係 “金都”，係我好鐘意既電影之一
- 唔怪得今次都會有 “金都” 既演員 – 鄧麗欣、朱栢康等等
- 成套戲非常流利暢順，有笑亦有淚
- 開場早段以為係典型既勵志故事：只有堅持就可以解決所有困難，達成理想
- 我咁講得，即係唔係咁簡單啦
- 想知係點就入場睇
- 主角鍾雪瑩既表演好得，氣場好勁，擔起左主角既責任
- 之前既 “殺出個黄昏” 同埋陳奕迅既 “致明日的舞” MV 已經見識過佢既表現，印象好深刻
- 就係鐘意佢演得夠 real，感覺已經可以收放自如
- 我自己都試過改歌詞，但係睇完套戲先知係填詞都有 theory
- 當中提及既 “0243” 理論，即使睇完戲自己再做下 research，都仲係未明白點用
- 到底之前我係點樣改到歌詞？
- 睇完之後對填詞人既仰慕再升一個 level
- 我覺得呢套戲係好睇既，值得入場
- 只係唔明點解戲名要係 “填詞 L”
- “L” 一向比我感覺都係比較負面，但係主角明明係好正面架喎
填詞 L
圖片來源：Google