- 首先多謝百老匯電影中心邀請，可以先睹為快
- 電影關於罪犯出冊之後重投社會既遭遇
- 主角三上正夫 (日本影帝役所廣司飾演) 係黑道中人，多次犯罪而坐監，差唔多大半生都響監獄裡面度過
- 役所廣司既演技依舊精彩，即使我覺得今次導演想要既野係幾難全數滿足，但係我覺得佢都駕馭到
- 順道一提，我睇過既役所廣司每次扮演既角色風格都幾唔同下，但係全部都好稱職
- 三上正夫出獄之後已經一把年紀，好想改過自身，做返個平凡人
- 不過佢本身個性，加上社會對罪犯既睇法，都唔係咁易重投平凡
- 導演既手法其實偏向現代 + 寫實，我覺得
- 之前睇其他戲，黑道出監之後，總會比以前 d 黑道仇家算帳，逼佢重返腥風血雨既世界
- 東京蒼穹下已經無呢 d 環節，又可能係日本唔興咁樣卦，我唔知啦
- 只會睇到過氣黑道既無奈，歲月既無情，社會既偏見
- 另外，睇呢套戲都有個 bonus 既
- 就係大家無得返鄉下之際都可以眼睛旅遊日本一下
- 北至北海道最北既大城市旭川、中部既東京、南至九州福岡，盡收眼底
- 疫情之下睇戲過返陣旅行癮都好過無啦
- 電影係帶住 d 輕鬆既氣氛，唔係沉重 N 次方
- 開頭睇果陣我仲以為係笑片添
- 令到電影角度偏向以第三者角度去探討成件事，叫社會反思
- 當中帶出左一個好好既問題：點解囚犯會反覆犯罪坐監
- 大家睇呢套戲果陣可以一齊思考下啦