- 戰爭片睇唔少，不過由真人響戰地拍攝既戰爭紀錄片就真係第一次見
- 睇得到既呢 d 片段既或然率其實好低
- 雖然對上一年香港人都睇過唔少類似既直播片段，但係可怕程度係兩碼子既事
- 故事響敍利亞發生，關於由 2011 年直至而家都仲發生緊既內戰
- 主角 Waad Al-Kateab 係敍利亞人，響敍利亞大城市阿勒坡 (Aleppo) 讀書
- 2011 年開始，當地人不滿政府霸道政權，開始和平示威，然後慢慢演變成同政府之間既戰爭
- 香港人係咪覺得似曾相識？
- Waad Al-Kateab 同時開始為英國電視台報導呢場逆權運動既實況
- Waad Al-Kateab 亦都認識左一個做醫生既男朋友，後來結埋婚同埋生左個女 Sama，亦都係呢套戲既名
- Waad Al-Kateab 想將 Sama 出世前後既片段記低，第日比返 Sama 睇
- 點解要咁做？唔係純粹紀錄咁簡單，當中既原因睇到我都眼濕濕，想知就自己入場睇啦
- 紀錄片既片段相信響所有新聞頻道或者其他來源都睇唔到既，我相信
- 響紀錄片中後段講述俄羅斯軍隊加入敍利亞政府，將阿勒坡採取圍城行動，呢一部份睇到我又震驚又憤怒
- 由於 Waad Al-Kateab 大部份時間都留響醫院拍攝，好多血腥畫面都呈現左出黎
- 當中包括醫院被炸毁、男女老幼死者既畫面等等
- 我唔敢相信係真，好希望到最後套戲話比我知呢 d 只係特技效果，可惜係真的
- 都有正能量既片段，被圍城既示威者都會苦中作樂，不過呢，只係一點點緩衝
- 呢套戲已經獲得世界各地影展既大量獎項，法國康城影展上映果陣，全場觀眾站立拍掌長達六分鐘
- 其實唔駛再多講，記得去睇
- 係好沈重既，請好好準備心情入場