- 呢套已經係經典電影之一，不過太細個果陣只係睇左少少而且唔太記得，咁橋 Movie Movie Channel 有得睇
- 又咁橋睇左近排微辣既 “一日情侶” 新一集，Rachel 同霍哥玩左呢套戲既造型，又真係扮得好似又好適合，搞到我要即刻開呢套戲黎睇
- 故事講男主角 Leon (Jean Reno 飾演) 係一位由意大利黎到紐約既職業殺手，做事快狠準，單人匹馬做低一班人都難唔到佢
- 另一位主角小妹妹 Mathilda (由當時係 12 歲既 Natalie Portman 飾演) 係 Leon 既鄰居，平時無乜兩句，只係經過會吹下水咁解
- Mathilda 活響一個破碎又複雜既家庭入面，老豆仲要收錢幫一個 DEA agent (即係負責打擊運毒既美國法律部門) 響屋企收藏毒品 (唔通咁樣就係打擊運毒既有效方法？)
- 某日，呢個家庭發生左滅門悲劇，不過 Mathilda 咁橋比 Leon 救左 (點解會咁？自己睇套戲啦)
- 由戲名翻譯 “這個殺手不太冷” 就知，Leon 內裡其實係柔情似水
- 呢位殺手好鐘意飲牛奶，視一盆植物為最佳朋友 (無錯，就係電影 poster Leon 成日捧住果盆)
- 遇到 Mathilda 之後，產生一段情都唔會奇怪啦
- 雖然外人睇落大叔同?妹之間既關係好似好變態咁 (如果呢個年代可能會覺得無乜野)
- 成套戲清脆利落，節奏爽快，快得有 d 唔捨得個故事咁快完
- 導演有另一個 version，多左大約 30 分鐘，主要講 Leon 同 Mathilda 之間既關係、相處
- 好想搵返黎睇，不過唔知邊度有
- 經典果然係經典，好快已經想回味多一次
- 呢套戲亦被視為 Natalie Portman 既成名之作
- 我認同既，12 歲既童星已經演得非常突出，感覺似係有經驗既演員縮水扮細路女咁
- Jean Reno 當然都係演得好，不過感覺飾演 DEA agent 既 Gary Oldman 更加搶鏡
- 佢既癲喪去得好自然，威脅人果陣真係有死神既感覺，淨係講野都可以嚇死人咁
- 另一邊廂，已經開始搵呢位導演 Luc Besson 既其他作品睇