- 今届法國康城影展最高榮譽金棕櫚大獎得主
- 入場前，睇見電影 poster 以為係好沉重，仲買定爆谷入去睇，要食住野睇驚訓著
- 點知係由頭醒神到尾，無一分鐘沉悶
- 特別係故事早段嘅性愛場面，非常振奮
- 全因女主角 Mikey Madison 非常正，而且係一對年輕男女嘅性愛，充滿激情同爆炸力
- 故事係關於身為脫衣舞孃 (兼性工作者) 嘅女主角 Anora (Mikey Madison 飾演) 同佢嘅其中一個恩客 Ivan 嘅 “愛情” 故事
- Anora 係平民一名 (都應該係卦，有錢人應該唔會去做呢份工吧)，Ivan 係俄羅斯富商兒子
- 電影情節嘅首半段其實非常老土：屬於兩個完全唔同世界嘅人夢幻般彼此戀上
- 唔少電視劇、電影都有類此嘅劇情，當然係感覺離地啦
- 去到中後段嘅劇情變得搞笑、鬧劇般，最後結局又變得現實、可悲
- 整體感覺看似荒謬，但係又現實到不得了
- 講到咁複雜，即係點呀？入戲院睇啦，唔想劇透
- Mikey Madison 可算係全套電影由頭帶到落尾，演得非常精彩
- 網上評論話係現代版嘅灰姑娘故事，我就覺得係濃縮版嘅愛情成長週期
- 有 d 野明知係無可能咁美好，但係真係發生響自己身上果陣，點都會有所動搖
- 直至經歷過哂，知道真係一場騙局之後
- 老生常談：唔親身經歷過係唔知死嘅，即使身邊有幾多人勸阻
- 年輕就係咁架啦 (oh sorry，而家好多被騙對象都係有返咁上下年紀)
- 電影尾段同結局係我非常鐘意嘅，特別係最尾一幕 Mikey 用演技徹底交待佢嘅內心感受
- 電影睇落好似一條直線咁鋪排陳列，但係離場之後再回想一下，係會有好多滋味同埋覺得有好多訊息想表達
- 同時間，導演抹走左好多美國電影果陣味，亦係我非常鐘意嘅原因之一
- 典型荷里活果 d dramatic、硬加 d 緊張情節、成日都要講 joke 真係好鬼難頂
- 總括嚟講，好睇好鐘意
阿諾拉 (Anora)
圖片來源：Google