- 被譽為 TVB 電視劇嘅天花板 (最好嘅作品)，我竟然到今日先正式開出黎睇
- 40 集呀大佬
- 大時代響 1992 年首播，點解當年我無睇？當時我嘅生活都係 keep 住睇 TVB 電視劇架喎，應該
- 點都好，我好記得有睇第一集，因為以當年嘅香港電視劇尺度黎講係非常震撼
- 大時代用左倒敍法，一開始就講結局
- 唔通係我覺得一開波就劇透哂所以我無睇？定係果時比掟人落街果幕嚇親？
- 點都好，今日終於投資左三十幾個鐘去睇佢
- 首先，以 TVB 劇集嘅一貫作風黎講，大時代一定係打破哂當時嘅框架
- 香港人好鐘意投訴，大時代嘅監製、編劇韋家輝話，當日第一集出街之後嘅十零分鐘，佢 call 機收到好多 call 話有大量觀眾投訴
- 香港地到而家都仲係咁，女仔除衫見到個 bra 就投訴，乜年代呀大佬……
- 到左 2024 年，睇左唔少電影嘅我，自問睇過嘅電影尺度、題材都好多，今次正式睇完大時代之後，覺得都真係幾勁嘅
- 兩代人延續嘅恩怨，黑幫仇殺殺人全家，死剩種用股市報仇逼到對方全家自殺，呢類劇情確實係罕見
- 加上演員陣容嘅強勁，可一不可再
- 首先女角色們：藍潔瑛、李麗珍、周慧敏、郭藹明，睇到嘩嘩聲，全部都靚爆燈
- 男角色當中，只係一個劉青雲已經夠哂勁，帶起全套劇
- 原來當時嘅劉青雲已經有咁深厚功力
- 諗返起電影 “神探”，劉青雲用不合常理嘅方式去查案，同大時代入面嘅方展博不問價格、不理地緣政治新聞嘅方式去買期指同丁蟹死過，原來兩者同樣來自劉青雲同編劇韋家輝呢個組合
- 老實講，套劇有好多好高質嘅演員，但係唔知係剪接問題定係因為係 TVB 嘅需要，除左劉青雲之外，每個角色都總係會變得有少少怪、唔係太自然，當中唔少鏡頭都令我笑左出黎
- 我覺得如果變成 35 集左右，感覺更加自然
- 不過大時代的確係反映左不少香港 90 年代嘅真實面貌
- 黑社會當道、淋紅油，一般喱民勤奮打工係真係可以捱出頭來，正正係香港黄金時代嘅寫照
- 而家回頭睇係份外感人，而且見到其中幾幕係響我以前住嘅北角邨一帶拍，感受特別多 (北角邨已經清拆)
- 近排港股響 10 月 8 日創出左歷史單日跌幅紀錄，收市跌 2172 點，即刻有人拎返大時代劇照出黎 P 圖
- 大時代重播、丁蟹效應、秋官效應等等都已經同跌市劃上等號，相信好難再搵到一套電視劇可以咁深入民心
- 唔知點解，總係覺得如果丁蟹一家其中一人換成由黄秋生去演就更加勁
- 同埋如果一開波加幾幕交待一下丁蟹拳頭有幾重、曾經打死人的話，成件事就更加流暢
- 因為我唔知係丁蟹太勁定係方進生太渣嘛，方進生食左丁蟹幾拳就 short 左
- 點都好，確實係非常精彩嘅電視劇
大時代
圖片來源：Google