- 我一直追隨既日本導演是枝裕和又一套法國康城得獎電影
- 就咁睇電影名未必知係講乜，加埋英文名或許略知一二
- 如果閣下淨係想知我既結論，可以早 D 話你知：非常好睇，誠意推薦
- 故事主角算係悲情：被遺棄既嬰兒
- 女主角素英 (李知恩飾) 某夜將自己既親生既初生嬰兒放響類似孤兒所門口既 “嬰兒暫存箱”
- 即係佢唔要佢個仔啦簡單 d 講
- 點知個 BB 仔比孤兒所既工作人員東洙偷走左 (姜棟元飾)
- 東洙係同佢拍檔尚賢 (宋康昊飾) 合作做販賣嬰兒生意
- 又點知第二日媽媽素英回心轉意返轉頭想拎返個 BB
- 又又點知同時間警察一直部署緊要將呢個販賣嬰兒小集團拉人封艇
- 故事一直發展落去係點？入場睇啦
- 成個故事結構複雜得黎又會理解得到
- 牽涉到既 parties：黑幫、警察、罪犯 (其實仲有既，不過唔想劇透)
- 每一個角色既內心、性格、情緒、動機都描述得好仔細
- 呢個劇本如果比其他導演拍，一定可以搞天好大、好緊張刺激
- 不過有睇開是枝裕和導演既都會知道，幾大龍鳳交比佢拍都會變得寫實、平靜
- 當中情緒最多既當然係棄嬰既媽媽，李知恩都演繹到位
- 有幾個位令到我起雞皮，有 D 眼濕濕 (要我喊係好難的)
- 電影情節帶出好多人性、道德既兩難問題，淨係呢 D 都已經值回票價
- 難怪呢套電影拎左康城既 “人道精神獎”
- 每個人無論係社會邊個階層都有自己一本難諗的經
- 放棄親生子女係咪等於十惡不赦？點解咁都做得出？
- 有人販賣嬰兒，即係有人想買，將一個小生命化成商品，係咪應該？
- 無論買者、賣者、被賣者相信都有好多情緒牽涉在內，因為係一條人命，一個人生
- 一路睇一路勁多野思考，所以我睇完係唔覺過左兩個鐘，因為思海好忙碌
- 總之，每個人既每個選擇都係有箇中原因，未了解之前就唔好一廂情願 + FF
- 宋康昊雖然唔算好搶鏡，不過係做到哂要做既野，不溫不火，恭喜佢拎到最佳男主角獎
- 無論係打算生小朋友既父母，或者已經為人父母既，我覺得都值得去睇
- 結論：好好睇，推薦