- 又一套第一日正式上畫就即刻去睇嘅電影
- 首先，主要係為左劉青雲而睇
- 細個果陣覺得劉青雲係好演員，但係到而家係越黎越感受到佢功力嘅深厚
- 故事由真實故事改編，關於 2010 年荃灣發生嘅倫常慘案
- 一家四口，父母、一仔一女，當晚兒子親手殺咗阿媽同細妹，然後自首
- 電影導演翁子光繼 “踏血尋梅”，同監製 “正義迴廊” 之後，再一次製作關於社會奇案嘅作品
- 首先，好多聲音話導演對事件真實主角造成二次相害，佢都有解釋今次係得到真實案件中嘅爸爸嘅同意
- 先講電影嘅美功，再一次令我覺得，一睇就知係翁子光做導演，係有一陣味、一種獨特嘅方言
- 今次電影用左好耐無見過嘅 4:3 比例，好有生活嘅感覺
- 加上運鏡、構圖等等，都係我好欣賞、好鐘意
- 另外，電影結構係非時間順序，但係運用得非常精準、巧妙，唔會睇到成頭問號
- 劉青雲今次依然精彩，係比較少見嘅佢，演繹得非常真實
- 另一個大驚喜係飾演阿仔嘅 18 歲新演員蘇文濤
- 做呢個角色我覺得絕不容易，但係佢演得好自然，好厲害
- 成套電影嘅焦點，我感覺係一個爸爸點樣適應世界，點樣自我反思去再重新去學習做一個爸爸
- 不過唔係佢想咁做，係突如其來嘅生活事件令佢咁做
- 成個故事有一種困局嘅感覺，而呢位爸爸就要逐步去適應
- 唔再係叫人去放下、釋懷，係調整自己心態
- 既然無辦法改變現實世界，可以改變嘅就係自己嘅心境、心態
- 呢一點係非常貼地、寫實，而劉青雲好徹底咁呈現左出黎，好勁
- 未散場已經覺得，再睇多一次的話會有更多體會
- 非常喜歡嘅電影，一看難忘
爸爸
圖片來源：Google