- 睇呢套 1983 年既經典電影實在係好多巧合，咁有緣就一定要睇睇
- 事關我最近睇一本香港雜誌 “Sample”，講開呢套戲同經濟既關係，已經令我非常好奇 (Sample 第 16 期)
- 點知響 Now TV 既 Movie Movie 頻道突然有呢套戲睇
- 完全諗唔明點解會咁，決定要開黎睇
- 呢套戲改編自托爾斯泰小說 “錢”，由電影大師 Robert Bresson 執導，法國電影
- 故事係由一張偽鈔開始
- 一位小朋友由於無零用錢，於是拎隻錶去典當
- 佢得到既係一張 500 法郎偽鈔，但係人地係講明比佢知係偽鈔黎既，不過佢又肯要喎，發偽鈔人仲帶埋佢一齊去洗黑錢 (記住，呢兩個人只係小朋友兩名，智慧與膽量並重)
- 佢地成功左，然後就係典型既蝴蝶效應既開始
- 收左張偽鈔既鋪頭知道中左招，於是又諗辦法去用呢張偽鈔，不幸中招既係送貨員 Yvon
- Yvon 比呢張偽鈔攪到自己家破，最後亦攪到人地家破人亡
- 係咪好難想像？偏偏又係講得通
- 成套戲帶出好多人性黑暗面、社會黑暗面，而成套戲我唔知係咪導演特登要跨大呢個感覺，個個演員都木口木面無乜表情，越睇越 cult
- 後黎上網睇資料，話導演係搵非專業演員黎演既
- 當中我覺得個樣最過癮既係拎隻錶去當既小朋友，因為佢有條一字眉，唔知係咪特登要整成咁
- 再加上套戲用左好多好似唔多關事既 close up 鏡頭去交代劇情，我睇到有黑人問號點解要咁拍，偏偏又係會睇得明劇情既，果然係大師級作品，夠哂特別
- 如果用睇 cult 片既心態去睇應該會比較好
- 結論係我覺得係好睇同值得睇既，只係要適應一下導演既拍攝風格就 OK
- 響 Now TV Movie Movie channel 有得睇