- 丹麥導演既電影，電影主角係：酒
- 啱哂我本人啦，right?
- 成日都比人以為我係酒鬼
- 我再講一次：我唔係酒鬼呀
- 我係鐘意乜都試下咁解，我絕對唔係買醉果 D，OK?
- 發洩完畢，講返套戲
- 故事講四個中年男教師同酒精之間既邂逅
- 講到好好聽咁，實情係
- 教書教到無癮又教得唔好，突然有一日佢地因為想證實一個唔知堅定流既科學理論，開始跟住一套規律去飲酒
- 呢個係乜鬼理論？幾無聊但係我都好想知答案既，你地自己入場睇啦
- 主角 Martin (Mads Mikkelsen 飾演，我覺得佢好戲的，曾經拎過影帝獎項) 本來係一個好傳統、好 L 悶既教師
- Martin 就係因為呢個實驗，令到佢既教師生活、家庭關係出現左重大變化
- 成套戲係輕鬆好笑既，即使中後段會比較沈重，但係整體氣氛令到沈重都變得有趣
- 內容有深度架，絕對唔係睇一班佬飲酒咁簡單
- 導演用既 setup 之一係我覺得好簡單但係有力又有趣：螢幕上既文字既表達手法
- 例子：一般電影如果想 show 比觀眾睇手機上面既 whatsapp 文字的話，通常都係直接影住個手機畫面，或者影住個主角，然後響佢旁邊整個 virtual 既對話畫面出黎
- 呢套戲就唔係咁樣，用左好簡單但係有力既手法
- 係點樣？自己去睇啦
- 雖然我覺得好多人都唔會覺得有乜咁特別
- 亦都同時令我諗起另一部丹麥電影 “性上癮” (Nymphomaniac)
- 性上癮套戲本來可以係好平凡，但係導演又係用左類似既手法令到套戲昇華
- 當然醉美的一課呢套戲本身都係好正既，我覺得
- 好多細節都做得好好，有飲開酒既朋友應該會特別有共鳴
- 例如飲左幾杯之後，呼吸既沉重、眼神既遲鈍，甚至爛醉既行為表情，全部都好到位
- 懷疑導演係咪直接灌醉班演員去演
- 係既話，無論導演或者演員都堅到爆，更加抵呢套戲拎左咁多獎項
- 無論飲開酒或者唔飲既朋友，應該都會比個氣氛感染到既
- 好睇的，睇完更加想飲返杯
- 現正在戲院上映